Tave dheu me kerpudha

Përbërësit:
Patate, kërpudha, djathë i grirë i tipit parmezan, mocarela -djathë pice, pak qumësht, kripë e pak gjalpë.

Përgatitja:
Në një tenxhere me ujë të bollshëm me kripë, ziejmë patatet, si për pure.

Ndërkohë, kavërdisim lehtë kërpudhat mënjanë.

Presim patatet në feta, pasi i kemi qëruar dhe i vëmë në gjithë sipërfaqen e tavës së baltës, ku kemi hedhur 1 gisht qumësht.

Mbi to hedhim kërpudhat, djathin e grirë dhe copat e mocarelës.

Veprojmë njësoj dhe në shtresën e dytë dhe fusim tavën të piqet në furrë në 180°, derisa të jenë thithur lëngjet.

Mund të përdorim krem beshamel në vend të qumështit, që krijon një masë si krem bashkë me djathin e grirë dhe mocarelën, por sigurisht në atë rast, kaloritë janë më të shumta.

Ju bëftë mirë!

RECETA TË NGJASHME


Article Tags:
Article Categories:
Gjellëra

Don't Miss! random posts ..