Panceroti, ose calzone

calzonePanceroti (ose calzone) eshte nje lloj pice e mbyllur ne vetvete ne formen e gjysme henes. E perhapur me shume ne Italine qendrore dhe jugore dhe me origjine Puljeze, emri i tij derivon nga fjala panza (bark), formen e se ciles merr pasi eshte skuqur. Pregatitet me brumin e zakonshem te pices dhe mbushja mund te jete e kripur (djath mocarela dhe domate, proshute e pjekur dhe djath, gjize dhe panceta, sallam dhe djath etj) apo e embel (recel, krem pasticerie, nutela etj).

Perberesit per 12 Panceroti

Per brumin:

300gr miell
20gr maja birre
rreth ½ gote uje te ngrohte
2 luge vaj luledielli
pak kripe
Per mbushjen:

200gr djath mocarela
300gr domate te pjekura mire
2 luge vaj ulliri
1 tufe borzilok
kripe
piper
Pregatitja e brumit: Hedhim miellin ne nje tas duke hapur nje grope ne mes. Shtojme pak kripe, vajin e lulediellit dhe majane e birres te tretur ne ujin e ngrohte. E punojme brumin me dore derisa te formohet nje mase homogjene dhe mund te shkeputet nga duart. Me te formojme nje sfere te madhe te cilen do ta leme te vije per rreth dy ore.

Pregatitja e mbushjes: I vendosim domatet per pak minuta ne uje te valuar ne menyre qe t’i hiqet lehte lekura. I qerojme, i heqim farat e brendshme, i presim ne copa te vogla dhe i gatuajme per pak minuta ne zjarr te forte ne nje tigan pa vaj sa te avulloj uji i tepert. I vendosim ne nje ene dhe i leme te ftohen. Pasi jane ftohur shtojme djathin mocarela te prere ne kubik te vegjel, borzilokun, vajin e ullirit, pak kripe, pak piper dhe i perziejme te gjitha bashke.

Kur brumi te jete fryre e vendosim ne tavolinen e punes dhe hapim nje pete 4-5 mm te trashe nga e cila nxjerrim shume disqe me diameter rreth 10 cm (me ndihmen e nje gote). Vendosim siper cdo disku nje luge te vogel nga mbushja e pregatitur dhe e palosim brumin duke formuar nje gjysme hene. Shtypim anet me dhembet e nje piruni apo me gishta ne menyre qe mbushja te mos dal jashte.

I leme Panceroti-t perseri te fryhen per rreth 1 ore e gjysme dhe me pas i skuqim ne vaj te nxehte derisa te marrin ngjyre te arte. I vendosim siper nje pjate ne te cilen kemi shtruar letra kuzhine per ti thithur vajin e tepert dhe i servirim te ngrohta

RECETA TË NGJASHME


Article Tags:
Article Categories:
Brumëra

Don't Miss! random posts ..