KADAIF

Kadaifi është një ëmbëlsirë turke shumë e njohur edhe në vendin tonë, e cila përgatitet vecanërisht me rastin e festave fetare.
Përbërësit për 10-12 persona
1kg kadaif në fije
1/2kg arra të qeruara
1/2kg gjalp
2 luge të vogla kanelle
…për shurupin

1l ujë
1.5kg sheqer
2 lugë lëng limoni
PREGATITJA E MBUSHJES

Arrat e qeruara, i coptojmë në copëza të vogla, ose sipas dëshirës i kalojmë në mikser. Nëse duam që kadaifi të rezultoje akoma më i shijshem, i pjekim për disa minuta në furrë ose mbi gaz duke i perzierë shpesh. I bashkojmë me kanellën dhe i lëmë në një anë.

Në këtë moment, kadaifin mund t’a përgatisim në dy mënyra:

1. KADAIF ROLE’

Për të përgatitur kadaifin role, e ndajmë kadaifin në fije në 24 pjesë (ose më shumë nëse i dëshironi copat më të vogla). Cdo pjesë e hapi në formë gjatësore, vendosim në mes një lugë mbushje me arra dhe e rrotullojmë në formë roleje duke i vendosur copat njëra pas tjetrës në një tavë të lyer me gjalp. I sperkasim siper me gjalpin e mbetur përpara se t’a fusim në furrë.

2. KADAIF I SHTRUAR

E ndajme kadaifin në dy pjesë të barabarta. Shtrojme si fillim në taven e lyer me gjalp gjysmën e kadaifit, hedhim të gjithë mbushjen me arra duke e shpërndare në mënyre tënjetrajtshme dhe shtrojme edhe kadaifin e mbetur. E sperkasim siperfaqen me gjalpin e mbetur perpara se t’a fusim në furrë.

PJEKJA

E pjekim në furrë të parangrohur në 160°C për 50-60 minuta, apo derisa në siperfaqe të ketë marre ngjyre të artë. E leme të ftohet plotësisht perpara se t’i hedhim shurupin.

SHURUPI

Vendosim në një tenxhere ujin, sheqerin dhe lengun e limonit. E ziejme egzaktesisht 7 minuta që nga fillimi i marrjes valë të shurupit duke e përziere në mënyrë që sheqeri të shkrihet plotësisht. Pas kesaj, i’a hedhim me luge kadaifit tashme të ftohte derisa t’a thithi të gjithë sherbetin. E leme një nate ose 8-10 ore në mënyrë që të sigurohemi që i gjithe shurupi është thithur nga kadaifi. Me pas e sherbejme të ndare në copa

 

RECETA TË NGJASHME


Article Tags:
Article Categories:
Embëlsira

Comments

Don't Miss! random posts ..