Domate të mbushura me shpageta

receta gatimi per pergaditjen e domateve te mbushura me shpageta

receta gatimi per pergaditjen e domateve te mbushura me shpagetaPër 4 persona nevoiten:

  • 4 domate,
  • 125 gr shpageta ,
  • 3 copë djathë i shkrirë,
  • 2 dl shtalp ,
  • 1/2 koke qepë ,
  • 1 lugë salcë domatesh ,
  • 1 thelb hudhër ,
  • 50 gr gjalpë ,
  • vaj,
  • kripë dhe piper i zi.

Përgatitja:

Në tenxhere në zjarr me ujë i ziejmë shpagetat.

Domateve ua presim pjesën e sipërme dhe ua nxjerrim brendinë. Pjesën e brendshme të nxjerrë të domateve e presim në copë dhe e hedhim në enë të thellë.

Në tenxhere në zjarr hedhim gjalpë dhe vaj. Në yndyrën e nxehtë e skuqim qepën e grirë. E grijmë thelbin e hudhrës dhe e hedhim në tenxhere. I shtojmë edhe brenditë e domateve të prera. Hedhim kripë dhe grijmë piper të zi. Shtojmë një lugë salcë domatesh dhe shtalpin. Djathin e shkrirë e presim në copë dhe e shtojmë në tenxhere. Përziejmë derisa të shkrihet djathi i shkrirë. Pastaj, në tenxhere i shtojmë shpagetat e ziera. Me këtë masë i
mbushim domatet.

Në enën e qelqit rezistuese ndaj zjarrit hedhim vaj dhe i vëmë në të domatet e mbushura. Enën e vëmë në furrë. Pjekim 20 minuta, në temperaturë prej 200 gradë.

Domatet e mbushura i vëmë mbi gjethe sallate jeshile. Sipër hedhim parmezan.

Me këtë pjatë rekomandohet vera e thatë e bardhë.

RECETA TË NGJASHME


Article Tags:
·
Article Categories:
Vegjetariane

Don't Miss! random posts ..