Dollma me sallatë marule

Përbërësit:

  • 3 sallata marule të mëdha (jo kaçurrele),
  • 500 gr. kima viçi,
  • 2 qepë të grira në rend,
  • majdanoz,
  • kopër,
  • 1 filxhan çaji oriz,
  • lëng nga 2 limona,
  • 1 vezë,
  • vaj, kripë dhe piper.

Përgatitja

Në një tas të thellë hedhim mishin dhe e përziejmë me qepën e grirë, qepët e njoma, orizin, majdanozin, një lugë kafeje lëng limoni si dhe kripë e piper. E mbrujmë mirë me duar.

Lajmë sallatën marule dhe i zhytim fletët një nga një në një tenxhere të madhe me ujë të valuar, për disa sekonda.

Mbushim secilën fletë me 1 lugë kima viçi dhe i mbështjellim si dollmatë e zakonshme.

Në një tenxhere ose tenxhere me presion shtrojmë 4 gjethe marule dhe nga lart renditim dollmatë e përgatitura. Hedhim vajin, lëngun e 1 limoni dhe 1 gotë vere me ujë të vakët. I mbulojmë nga lart me një pjatë dhe i lëmë të ziejnë në zjarr të ngadaltë derisa të mbeten me pak lëng.

Më pas i heqim nga zjarri dhe ruajmë mënjanë lëngun e mbetur. Marrim një vezë dhe e rrahim në një tas. Shtojmë pak nga pak lëngun e 1 limoni. Marrim pak nga pak lëngun e dollmave (rreth 1 gotë uji) dhe e hedhim në tasin me vezë. Përziejmë mirë dhe shpejt që të mos pritet veza dhe e hedhim masën në tenxheren me dollma. E tundim lehtë tenxheren në mënyrë që masa vezë-limon të përhapet kudo.

RECETA TË NGJASHME


Article Categories:
Gjellëra

Don't Miss! random posts ..