“Sekretet” që fshehin vezët

Vezët janë keqkuptuar, pasi ka pasur dyshime se ato rrisin nivelin e kolesterolit në gjak, por studimet e fundit i kanë rrëzuar këto dyshime.

Veza është një ushqim i pasur me vitamina, proteina dhe minerale. Ajo ka mjaft vlera ushqyese, të cilat ndihmojnë në imunitetin, sistemin nervor, kujdesin ndaj lëkurës, shikimin, etj.

Më poshtë, po ju japim disa këshilla të dobishme, që do t’ju shërbejnë gjatë konsumimin të përditshëm të vezëve.

– Që të mos thyhen vezët gjatë zierjes, hidhni brenda në ujin ku ziejnë, dy fije shkrepëse të djegura.

– Një tjetër mënyrë është që të hidhni disa pika uthull apo pak kripë në ujin që valon dhe vezët nuk do të thyhen.

– Për t’i qëruar më lehtë vezët e ziera, pasi t’i kemi zier, i vendosim në ujë të ftohtë dhe aty i qërojmë. Ose, hedhim kripë të trashë në tenxheren me ujë ku ziejnë.

– Që të mos na mbajë erë shtëpia kur ziejmë vezë, vendosni në ujin e ftohtë të tenxheres ku hodhët vezët një fetë bukë dhe pasi t’i hiqni gjithë tulin, le të ziejë bashkë me vezët. Kështu mund të veproni edhe kur zieni brokol apo lulelakër. Kuptohet që bukën e hidhni poshtë më vonë.

– Për të dalluar nëse një vezë është e zier apo jo, vendoseni në një tryezë dhe rrotullojeni. Veza e zier do rrotullohet më shumë nga ajo e paziera.

– Nëse doni të prisni në feta një vezë të zier, pa i prishur formën, duhet që më parë të keni nxehur thikën që do të  përdorni.

Nëse pjatat apo pirunët mbajnë erë veze edhe pse i keni larë, për t’i ikur era, lyejini me uthull dhe shpëlajini disa minuta më vonë.

– Nëse ju bie një vezë përdhe dhe thyhet, hidhini sipër kripë dhe pastrojeni 5 minuta më vonë.

– Për të mësuar nëse veza është e freskët apo jo, vendoseni në një gotë me ujë të ftohtë. Nëse veza shkon në fund të gotës, është e freskët. Nëse “noton” në sipërfaqe, mos e përdorni por hidheni poshtë.

– Kur t’i vendosni vezët në mbajtësen e vezëve në frigorifer, pjesa e hollë e vezës duhet të shikojë lart, ndërsa pjesa më e gjerë të mbështetet në mbajtëse. Kjo, me qëllim që e verdha të qëndrojë në qendër të vezës.

RECETA TË NGJASHME


Article Tags:
Article Categories:
Këshilla

Don't Miss! random posts ..