Gullash pa mish

Gullash pa mish

receta gatimi per pergaditjen e gullashit pa mishPër 6 persona nevojiten :

  • 600 g patate ,
  • 500 g qepë ,
  • 1-2 thelpin hudhre ,
  • 1-2 lugëza rigon ,
  • 1 gjethe dafine ,
  • 1 spec i kuq i bluar ,
  • 1 dl verë të zezë ,
  • 1 dl supë ,
  • 400 g domate ,
  • pak majdanoz,
  • 5 lugë vaj ,
  • ajkë ,
  • pak uthull molle,
  • pak sheqer,
  • kripë.

Përgaditja:

Hudhra pastrohet dhe pritet imët. Patatet qërohen e pastrohen, priten në katrorë. Qërohen qepët, priten dhe fërgohen në vaj të nxehur derisa të zverdhen. Në qepë të fërguara qiten patatet, fërgimi vazhdon edhe për një kohë, duke i përzier, derisa të marrin pak ngjyrë. Pastaj kësaj i shtohen hudhra dhe speci i bluar. E gjithë kjo masë përzihet derisa të ndihet era e fortë e hudhrës. Qitet vera dhe supa, përzihen. Lihen të fërgohen pak. Gjatë kësaj kohe pastrohen e qërohen domatet, priten në katrorë, përzihen me perimet. Kripen, u shtohet pak sheqer. Kur të vlojë, ulet temperatura, ndërsa fërgimi vazhdon edhe për 20 minuta.

Këshillë: nëse nuk keni domate të freskëta, përdoren edhe ato nga konserva. Në këtë rast, domatet përdoren nga fundi i zierjes. Në fakt, domatet duhet të mbeten të tëra, e jo të zihen si në disa gjellë të tjera.


E keni provuar këtë reçetë? Votojeni sipas preferencës tuaj!
1 yll2 yje3 yje4 yje5 yje6 yje7 yje8 yje9 yje10 yje (3 vota, mesatarja: 7.00 prej 10)
Loading ... Loading ...