- 3 kokrra vezë
- 2 gota nga 125 ml me kos të bardhë
- 2 gota të vogla me kos me sheqer
- 2 gota të vogla me miell
- 2 gota të vogla me arrë të shtypura
- 1 gotë e vogël me vaj ulliri
- 1 lugë me kakao pluhur
- një qeskë e vogël me maja për ëmbëlsira dhe kripë.
Përgatitja:
Rrih në përzierës të tria vezët bashkë me sheqerin derisa të bëhet shkumë. Shtoji në fillim kosin dhe vajin dhe pastaj duke i përzier, miellin, arrat e shtypura hollë – hollë, kakaon dhe majanë të situra dhe pak kripë. Hidhe brumin në 6 forma të vogla për tortë të lyera mirë me gjalpë dhe të pluhurosura me miell. Piqi tortat e vogla për rreth 30 minuta në një furrë të nxehur që më parë ne temperaturën 160 gradë. Mund t’i shërbesh të shoqëruara me ajkë të ardhur ose të mbuluara me krem çokollatë.

- 500 gr fileto mëshqerre
- 150 gr pançetë e shtrirë
- 1 gotë e vogël me konjak
- 100 gr ajkë kuzhine
- 20 gr gjalpë, kripë dhe piper

Përgatitja:
Vendos sipër dhe poshtë secilës rriskë më mëshqerrë një rriskë panetë dhe rrotulloje duke e shtrënguar fort me një fill kuzhine. Skuqi 2 roletë në gjalpë për pak minuta, njomi me konjakun, vëru flakën, hidhi ajkën e kuzhinës, kripën dhe piperin. Vendosi me kujdes mbi pjatën e shërbimit dhe spërkati me salcën e pjekjes.

- 2 patëllxhanë
- 250 gr djathë i freskët dhie
- 12 gjethe borziloku, vaj ulliri dhe kripë.

Përgatitja:
Laji patëllxhanët dhe priji në rriska të hollë. Piqi në skarë derisa të bëhen të butë. Lëri të vaken mbi një pjatë, kriposi dhe shtoji borzilokun. Mbështill disa toptha me djathë dhie në rriskat e patëllxhanëve dhe mbërtheji me një stikadent dhëmbësh. Ndreqi me një fije vaj ulliri.

350 gr çokollatë fondente e ndarë në tre pjesë 180gr+120gr+50gr
60 gr gjalpë
2 vezë
150 gr sheqer kaf
100 gr miell
një majë luge kripë
1 luge kafeje me fryrës për ëmbëlsira

Përgatitja:

Të gjithë çokollatën (350gr) do e grimë në copa jo shumë të vogla
Do shkrimë me banjëmari 180 gr të çokollatës së bashku me gjalpin.
Në një tas do të rrahim mirë vezët me sheqerin dhe këtu do të shtojmë çokollatën me gjalpin të shkrirë më parë.
E përziejmë përsëri dhe do të shtojmë miellin ku kemi shtuar më parë fryrësin dhe kripën. Tek ky brumë do të shtojmë dhe 120 gr të çokollatës dhe e përziejmë përsëri.
Me një lugë do të hedhim brumin në një tavë (në topa të vegjël), të cilin e kemi mbuluar më parë me letër kuzhine. Sipër çdo biskote do të hedhim copa çokollate (50 gr që kemi grirë më parë). Do i pjekim në furrë për rreth 20 minuta me 160°. Do i heqim nga tava kur të jenë ftohur.

Të mirat që sjell konsumi i lëngjeve:

Ata janë detoksifikues
Rrisin nivelin e energjisë dhe vitalitetit
Përmirësojnë tretjen
Ulin dëshirën për të konsumuar ushqime që “të dëmshme”: sheqer, yndyrë
Ato përmirësojnë lëkurën dhe flokët tonë
Ato përmirësojë gjendjen tonë shpirtërore
Në kushte ideale, konsumoni një ose dy gota me lëng ose smoothie jeshil në ditë.
Provoni këtë kombinim: majdanoz, lakër jeshile, limon, xinxërfill dhe rrush jeshil. Por mund të konsumoni edhe kastravecin me xinxërfill.

- 320 gr spageti
- 160 gr peshk ton nën vaj
- 12 kokrra ulliri taxhaske ose kallamate
- 1 lugë me kaparina të kriposura,
- ½ gotë me verë të bardhë majhoshe
- 4 lugë me vaj ulliri dhe kripë

Përgatitja:

Hidh një lugë me kaparina në ujë të vakët për afër 10 minuta. Shtrydhi ullinjtë me tehun e një thike, hiq mënjanë bërthamat dhe griji trashë. Kulloje peshkun ton për t’i hequr vajin që ka dhe thërrmoje. Nxehe vajin në një tigan kundër ngjitjes, hidh aty kaparinat e kulluara dhe të thara, peshkun ton dhe ullinjtë dhe lëri të skuqen për 2 minuta. Hidhi verën, lëre sa të avullojë mbi një flakë të fuqishme dhe bashko aty makaronat spageti të kulluara shumë të nxehta. Përzieji për gjysmë minute dhe shërbeji të ngrohta.

- 150 gr miell
- 4 kokrra vezë
- 150 gr sheqer
- 200 ml ajkë e freskët, sheqer pluhur
- 250 gr fruta pylli
- Një bishtajë vanilje, pak kripë

Përgatitja:

Çaje bishtajën e vaniljes në drejtimin për së gjati dhe me një thikë të vogël kruaje brenda për t’i nxjerrë farat e vogla. Thyeji vezët në një tas të madh, hidhu sheqerin, farat e vaniljes dhe një fije të vogël kripë dhe rrihi të gjitha me një çift telash rrahës me korrent, derisa të bëhet një masë e fryrë, si shkumë. Hidhe miellin në një kullesë të madhe dhe site mbi masën e shkumëzuar. Përzieje duke e bërë njësh me një shpatull dhe me lëvizje nga poshtë lart që të mos shfryhet masa e shkumëzuar. Hidhe këtë masë në një formë si fizarmonikë me diametër 20 cm të veshur me letër oleate dhe piqe për rreth 30 minuta në furrën e nxehur që më parë në temperaturë 180 gradë. Lërë mënjanë për 5 minuta, nxirre nga forma dhe lëre të ftohet mbi një skarë. Prije tortën në mes horizontalisht, lyeje me ajkën e fryrë me sheqerin pluhur dhe mbushe me frutat e pyllit.

- 12 brinjë qengji bashkë me kockën
- 1 gotë verë të kuqe të trashë
- 1 tufë e vogël me rozmarinë
- 1 gjethe dafine
- 4-5 rrushqe dëllinje
- piper i zi kokërr
- 30 gr gjalpë, miell i bardhë, vaj dhe kripë

Përgatitja:
Vëre verën e kuqe në një tenxhere të vogël bashkë me erëzat, me rozmarinën dhe me gjethet e tjera. Lëre të ziejë ngadalë mbi një zjarr mesatar për rreth 10 minuta, derisa vera e kuqe të ketë shkuar në mes. Lyeji me miell brinjët e qengjit dhe vëri të skuqen në gjalpë dhe në vaj mbi një zjarr të fuqishëm nga të dyja anët. Verën, pasi ta kesh filtruar, hidhe mbi brinjët e qengjit, hidhu kripë sipas dëshirës dhe shtoju pak piper të shtypur. Piqi në tigan edhe për 10 minuta të tjera, duke i kthyer herë pas here. Shërbeji me patate ose të skuqura.

- 300 gr miell
- 3 kokrra vezë
- 300 gr sheqer
- 100 gr gjalpë
- 2-3 kokrra limoni
- 1 gotë me qumësht
- 1 qeskë e vogël me maja në pluhur për ëmbëlsira dhe sheqer pluhur

Përbërësit:

Në një tavë dheu site miellin me majanë, shtoji të verdhat e vezëve të rrahura, sheqerin, gjalpin e shkrirë në banjëmari dhe të vakët, qumështin, lëngun e limonëve dhe në fund të bardhat e vezëve të rrahura dhe të bëra si dëborë. Hidhe këtë përzierje në një formë kundër ngjitjes dhe piqe për 30 minuta në një furrë të nxehur që më parë në temperaturë 130 gradë. Nxirre nga furra, lëre të ftohet, nxirre nga forma mbi një pjatë dhe pluhurose me sheqer pluhur.

- 1 filxhan çaji me kuskus të zier që më parë
- 7 filxhanë me lëng mishi
- 300 gr maja brokoleti (lakër e njomë romane)
- lulelakër
- 4 domate të thata nën vaj
- 4 kokrra qepë të mëdha
- 50 gr djathë i staxhionuar dhie
- spec i vogël djegës e tharë
- 3 lugë vaj ulliri dhe kripë

Përgatitja:

Pastroji dhe priji në copa të vogla brokoletit dhe lulelakrën, griji domatet e thara dhe bëji rriska-rriska të holla qepët e mëdha. Vëre për të valuar supën, hidhi specin e vogël djegës dhe vajin e ullirit, pastaj hidh brokoletit, lulelakrën dhe qepët dhe zieji për 2 minuta. Hiqe nga zjarri dhe hidhi kuskusin, lëre mënjanë për 2 minuta të tjera dhe në fund, shtoji domatet dhe djathin e thërrmuar.